Makreltilfeingið bara økist

Biomassin – tonsatalið – av makreli er øktur 13 prosent í 2017 samanborið við 2016. Eisini svartkjaftastovnurin er øktur í tonsum. Biomassin av norðhavssild er minkaður, men stovnurin er stabilur. Tað vísa yvirlitstrolingarnar, sum kortini ikki kunnu standa einsamallar, tá stovnsmetingarnar verða gjørdar.

Líkindi eru fyri, at 2017 gerst eitt gott makrelár. Skipaðu yvirlitstrolingarnar hjá ICES vísa nevniliga, at makrelstovnurin í norðurhøvum – í føroyskum, íslendskum, grønlendskum og norskum sjógvi – er øktur við 13 prosentum í tonsum síðani í fjør.

Og lítið er at ivast í, at skipini eisini fara at fáa størri makrel í ár enn í fjør, tí sjálvt um tonsatalið er nógv økt, so er talið á makrelum minkað við tveimum prosentum. Tað merkir sjálvsagt, at miðalvektin á fiskinum er økt.

Les meira her

(Visited 13 times, 1 visits today)
Deil