Húsavarðatænastan hevði lægsta boð uppá Musikkskúlan

Mynd: torshavn.fo

Lisitatión var í farnuviku á ráðhúsinum um byggingina av nýggjum musikkskúla. Sjey fyritøkur vórðu bodnar at bjóða, og inn komu fimm tilboð.

Úrslitið av lisitatiónini var hetta:
Húsavarðartænastan kr. 63.881.746,54
MT Højgaard kr. 68.412.026
Búsetur kr. 69.902.472
TG Verk kr. 72.999.193
J&K Petersen/Eysturlon kr. 76.898.007

Kostnaðarmetingin ljóðaði uppá kr. 60.000.000. Lægsta boð, ið Húsavarðartænastan hevur, liggur sostatt umleið 6% hægri.

Musikkskúlin, ið byggjast skal við Landavegin, er uml. 2.600 fermetrar stórur. Bygnignurin er í tveimum, einum høvuðsbygningi við undirvísingarhølum, lærara- og næmingahølum, og einum hjábygningi, sum er orkesturhøli burturav, sum umframt at verða undirvísingarhøli til stór kór og stór orkestur, eisini er konserthøll til uml. 350 áhoyrarar.

Tilboðini verða nú eftirkannað og síðani lagt til politiska viðgerð.

(Kelda: torshavn.fo)