Lars úttikið hópin ímóti Rumenia

Mynd: fsf.fo

Ikki færri enn 8 leikarar úr HB og B36 eru við í hópinum, ið Lars Olsen hevur valt at umboða Føroyar móti Rumenia.

Á tíðindafundi í FSF-húsinum sunnukvøldið setti Lars Olsen, landsliðsvenjari navn á teir 21 leikararnir, ið eru úttiknir til EM-undankappingardystin ímóti Rumenia, sum verður á Ilie Oana Stadion í Ploiseti í Rumenia sunnudagin 29. mars klokkan 17:00 føroyska tíð, skrivar fsf.fo.

Tvær broytingar eru framdar í føroyska hópinum síðani sigurin ímóti Grikkalandi í november í fjør. Hallur Hansson, ið hevur leikbann og Hanus Jacobsen eru ikki við í hópinum hesaferð. Í staðin hevur landsliðsvenjarin sent boð eftir Bárði Hansen úr Víkingi og Jóhan Troest Davidsen úr HB.

Teir 21, ið hava fingið landsliðsboð, eru hesir:
Gunnar Nielsen
Teitur M. Gestsson, HB
Tórður Thomsen, B36
Jónas Þór Næs, B36
Viljormur Davidsen, Vejle BK (DEN)
Atli Gregersen, Víkingur
Sonni Ragnar Nattestad, Vejle BK (DEN)
Odmar Færø, B36
Jóhan Troest Davidsen, HB
Báður Hansen, Víkingur
Fróði Benjaminsen, HB
Gilli Sørensen, AaB Ålborg (DEN)
Pól Jóhannus Justinussen, NSÍ
Róaldur Jakobsen, B36
Kaj Leo í Bartalsstovu, Levanger FK (NOR)
Christian Lamhauge Holst, Fremad Amager (DEN)
Brandur H. Olsen, FC København (DEN)
Sølvi Vatnhamar, Víkingur
Klæmint A. Olsen, NSÍ
Arnbjørn Hansen, HB
Jóan Símun Edmundsson, Vejle BK (DEN)

Sum fyrireiking til dystin ímóti rumenum, fer føroyska liðið á stutta venjingarlegu í Farum í Danmark, áðrenn leiðin gongur til Rumenia.